Tusass Butik TNI-mi pisiniarfimmi ilinniartussarsiorpoq
Pisiniarfimmi ilinniartutut ilaatigut makku suliassaraatit; nassiussassatut tunniunneqartunik inuttassaanullu tunniunneqartussanik kiisalu allakkanik poortukkanillu nalunaarutiginninnernik suliaqarneq
Tusass-imi pisiniarfimmi ilinniartutut misigissavat suliassavit ilinniarninnut iluaqutaanissaasa qitiutinneqarnerat, tamannalu ilutigalugu ilinniakkamik naammassinnissimasutut inuuneqalernissannut piareersassavatsigit.
Sunik neqerooruteqarpugut?
Avatangiisimi uummaarissumi pissanganartumilu sulilissaatit, immikkoortortaqarfimmilu sorlermilunniit suligaluaruit sullitanik qitiutitsineq, sullissineq eqaatsumillu suleriaaseqarneq pingaartinneqarpoq.
Immikkoortortaqarfitsinni tamani suleqatinit pikkorissunit ilinniartinneqarnissat annertuumik periarfissaqarfigaat, tamannalu uatsinni siamasissumik assigiinngisitaartumillu ilinniarnermik tunisissaaq suliffeqaleruit iluaqutigisassannik.
Ilinniarnerpit nalaa tamaat ilinniartutut akissarsiaqartinneqarneq neqeroorutigaarput.
Tusass-imi ilinniartut ilinnit makku naatsorsuutigaagut:
- Anguniakkat ilisimaaraajuk suunersoq
- Pitsaasunik karaktereqartutit sulinngitsuukulasuunngitsutillu
- Nammineq ilinniarninnut ineriartorninnullu pimoorussisuusutit akisussaaffiginnittutillu
- Annertuumik akisussaaffeqarneq eqaatsumillu suleriaaseqarneq nuannarigit
- Pikkoriffeqalernissat annertuumik soqutigisarigit.
Qulaani allassimasut ilisarisinnaagukkit, taava qinnuteqaatit allagartaatillu allat pisariaqartinneqartut nassiutikkit.
Tusass
Takorluukkatut anguniakkap ”Tusassip nunarsuarput qaninnerulersippaa – uagullu immitsinnullu qaninnerulersilluta” aallaavigalugu suliffeqarfiup sulisuisa 370-it missaanniittut Kalaallit Nunaannut tamarmut attaveqaateqarnissaq qulakkeertarpaat.
Tusass pillugu uani paasisaqarnerusinnaavutit: www.tusass.gl